Masri M, Dt. Putiah (Pegiat Alua Pasambahan Minangkabau)

MINANGGLOBAL.ID, HERITAGE & CULTURE – Mano datuak! Yo disambah juo datuak! Adopun sambah nan ka dipasambahkan kapado datuak pado wakatu iko kini nan bak ibaraik kato adat.

Disalai palito padam banamo colak malayu, tarang nan bak bulan panuah, janiah nan bak paneh indah, ujan mambayang-bayang kamuko, mancayo ka utak banak, sanang ati sajuak pikiran santoso ibu jo bapak sabab lah sudah minum makan. Limbak nan dari pado itu, tabayang bak cando kilek , tababang tampak di ateh, bajalan lambek ba riak, bakaja capek dahulu, talayang sampan ka tangah babalun-balun jo ombak, baputa-puta jo buyiah, riak mamacah kiri-kanan, galombang manulak jauah-jauah.

Tapi samantang kok bak itu, kok rundiang sopan jo santun, bakato jo sandi bana, bak dulang batuduang ayia, talatak kue di pinggan banamo ragam bungo adaik, edangan juadah lah talatak, lah ta unjuak ka muko datuak, nak nyo salamaik samparono, pulag ma’alum pado datuak.

Cek video Pasambahan ini di Link YouTube: https://youtu.be/rajARij9sLU

LEAVE A REPLY

Please enter your comment!
Please enter your name here