Masri M, Dt. Putiah (Pegiat Alua Pasambahan Minangkabau)

MINANGGLOBAL.ID, HERITAGE & CULTURE – Sapanjang parundiangan dari datuak, kok di danga lah elok bunyi, di liek lah rancak rupo, rancak bak awan tagantuang, harum nan bagai kacang goreang, baso baiak budi katuju, indak tanilai haragonyo. Kok satantangan edangan juadah ko tuak, salorongan minum jo makan, lah diliek dipandangi, pandangan jauah lah dilayangkan, pandangan dakek lah ditukiak an, lah dipandang ilia jo mudiak, di lengong kiri jo kanan, diliek sado nan tampak, lah rancak susun bak siriah, lah elok otok bak pigaran,

Sutan saidi urang piaman
Pandai bapupuik batang padi
Capek kaki ringan tangan
Pandai ma otok susun cangki

Satantangan edangan juadah, salorongan minum jo makan ko, lah diliek dipandangi, panuah nyo indak balimbak, kurangnyo indak balakuak, talatak di sadiang elok.

Cek video Pasambahan ini di Link YouTube: https://youtu.be/tIHsWSr3F8g

LEAVE A REPLY

Please enter your comment!
Please enter your name here