MINANGGLOBAL.ID, HERITAGE & CULTURE, Mano datuak,disambah Datuak! Adopun sambah nan ka dipasambahkan kapado datuak, pado wakatu iko kini, nan bak patatah jo patitah, andai di dalam adaik juo.
Talatak puntiang di ulu
Di bawah kumpalan tali
Asa mulo kato dahulu
Tigo limbago nan tajali
Partamo, sambah manyambah, kaduo baso jo basi, katigo siriah jo pinang. Sambah manyambah dalam adaik, tali batali undang-undang, tasabuik di muluik manih, muluik manih talempong kato, baso baiak gulo di bibia, banamo adaik sopan santun.
Lah talayang siriah jo pinang, talatak dalam carano, langkok ba isi sacukuiknyo, bapaga jo arai pinang, balingka maniak bakarang, kuniang tacoreng di atehnyo. Singkoklah tutuik nan salampih, nak diliek dipandang nyato, nak bapakai adaik carano nan di tangah,
Tanam siriah tanam silodang
Tanam karakok di halaman
Cabiak siriah gatoklah pinang
Ambiak rokok pamenan tangan.
Cek video Pasambahan ini di Link YouTube: https://youtu.be/QQGHjZz35-
