MINANGGLOBAL.ID, HERITAGE & CULTURE – Dek lah sudah minum jo makan tuak, kok makan raso lah kanyang, kok minum raso lah pueh.
Limbak nan dari pado itu, kan nan bak umpamo urang balayia, sampanlah lamo di tapian, lah tarapuang-tarapuang tak anyuik, tagelang-gelang tak ilia, bak banto di ujuang pulau, bak kiambang di dalam tabek,.
Nak jan basuo nan bak itu, kok nak nyato siang bak ari, kok nak sah tarang bak bulan, pihak dek kami nan mandatang, bathin kok ado nan talatak, bak bungo manganduang putiak, putiak nak nyato jadi buah, kok nak layia musim bak kini, tapi samantang pun bak itu, yo di danga bunyi dari datuak.
Cek video Pasambahan ini di Link YouTube: https://youtu.be/nbEL2yJ9AJA
